雖然啲大學校長呢輪都為政府準備大幅削減經費而頭痛，不過，港大校長徐立之噚晚都忙裏偷閒，出席港大社會科學院三十五周年嘅重聚晚宴。
一到場，徐校長就接過社科院嘅「勁過」好運卡，聽班師兄師姐講，社科院啲同學當呢兩個字好似財神咁接，希望考試成績頂瓜瓜，聽到咁好意頭，校長一個唔該袋入口袋，係就係迷信啲，不過都係希望今次減撥款可以大步檻過啫。
張永霖係今屆會長，佢老友阿松冇嚟，葉澍堃同太太手拖手到場，林瑞麟亦畀面出席，都好多猛人。
（圖）徐校長好鍾意張「勁過」好運卡。
傳真︰2623-9278
電郵︰