模特兒出身的趙頌茹（阿Yu）衣着予人極重日本少女味，近日她瘋狂迷上日本品牌Revolver，早前她便以短袖和長袖T恤合襯出現。Revolver在香港由麥浚龍的哥哥（阿寶）任代理，陳文媛及余文樂等藝人亦是擁躉。
趙頌茹的衣着打扮一向充滿日本少女味，近日她迷上了在日本大熱、電影《乒乓》第二男主角ARATA做老闆的牌子Revolver，日前她一口氣穿上兩件RevolverT恤，襯以Undercover繡花牛仔褲及D&G皮帶，和殘味甚濃的Sancho靴，型格十足。
阿Yu表示Revolver在日本極受歡迎，在香港更是有錢也未必買得到，潮星陳文媛及余文樂也是該品牌的擁躉。阿Yu說：「其實呢隻牌子係畀麥浚龍個哥哥做咗代理，女裝係呢個月先有貨返。」
阿Yu續說：「我都係有邀請卡先買到，即時掃晒啲我啱嘅衫，大約花咗幾千蚊。暫時都唔係咁多人識，我就一連掃咗長短袖兩件衫，𠵱家唔係好凍嘅天氣就最適合。」
阿Yu在日常打扮方面可說是十拿九穩，她喜歡將輕便和隆重的打扮mix&match。不過由於她身形較高，置裝時最頭痛是買褲子，尤其是亞洲的品牌，穿在她身上，就絕對會弄巧反拙，為免出現褲子吊腳的問題，長褲一般首選外國牌子。
不過遇着愛不釋手的褲子時，阿Yu就會用靈活的方法去解決，她說：「如果條褲真係唔夠長，我就可以襯對boots，加上潮流興將褲腳攝入對boots度，咁就冇人知我條褲唔夠長囉。」
採訪、攝影：駱華齡
