世事變幻無常，估唔到連氣溫都變得令人難以捉摸。今年入冬以嚟，除咗有幾日氣溫驟降之外，幾乎日日都天清氣爽，彷彿已經大地回春。
好多後生仔女，包括大使啲同事，呢排嘅裝束都係短袖T恤，再加件外套就夠。
不過，對於體質虛弱嘅公公婆婆，同埋啲抵抗力較差嘅細路仔嚟講，就算氣溫有十八、九度，佢哋都好容易傷風感冒，而且冷親就手尾長。
蘋果日報慈善基金喺六年前成立「送暖行動」專戶，正係為咗令一班貧苦老弱有件「暖笠笠」衣物禦寒。今年呢個專戶更惠及孤寡同弱勢家庭。
本年度蘋果基金「送暖行動」由上月展開至今，已經有超過二千八百人次受惠，當中包括長者、低收入家庭、殘疾人士、籠屋戶、露宿者等。善長繼續慷慨捐款支持，將令更多有需要人士感受溫情暖意。
「送暖行動」專戶捐款編號﹕C0670
暖流熱線
電話：29908688
傳真：23702192
電郵：
網址：