立法會尊貴嘅議員噚日放低黨派之見，換上藍色醒目球衣走去小西灣足球場，同一班駐港領事踢番場友誼賽，立法會嗰邊由體能最fit嘅陳智思做隊長，領事隊長就係德國駐港總領事，立法會主席范徐麗泰負責主持開球禮。
話就話係議員對領事，賽例規定一定要有六個領事同六個議員落場，但始終全場走得最多嘅都係佢哋各自邀請嘅年輕力壯外援，議員隊第一球就由外援射入，冇幾耐領事隊扳平，之後議員同領事先後各追多一粒，最後二比二打和，不分勝負。
（圖）范太負責主持開球禮，好用力踢個波出去。
王子俊攝
傳真︰2623-9278
電郵︰