中大四十周年校慶噚晚喺會展舉行晚宴，冠蓋雲集，最搶鏡嘅竟然係校長金耀基（圖中），佢用兩文三語表演棟篤笑，讀出題為「走出名堂、走出精彩」嘅賀詞，話中大立足香港、心向中國、面向全球，真係人人都咁啱聽。
不過最頂癮嘅係金校長連太空人偉哥都玩埋，佢話普通話唔單止係全球最多人講嘅語言之一，經偉哥喺太空開金口，𠵱家重變成「太空語言」，最後佢重以偉哥傳誦一時嘅名句，「自我感覺良好」嚟形容慶祝中大四十周年校慶嘅心情，全場教授、學者同嘉賓即刻哄堂大笑，估唔到金校長咁識搞笑。 黃冠華攝
傳真︰2623-9278
電郵︰