IFC（國際金融中心）二期商場，新店陸續開幕，其中有一間好大嘅city掇uper，開幕以來，生意非常好。行內人士話，國金二期位置鄰近愉景灣碼頭，唔少愉景灣住客放工，買完貨至上船，故此人流暢旺，開幕初期，重影響到愉景灣百佳嘅生意㖭。但畢竟價錢有別，個零星期之後，愉景灣百佳生意恢復正常，但意想唔到嘅係，其他地區嘅city掇uper分店就少咗愉景灣住客嘅生意，因為熟客（尤其是日本人）都會鍾意方便，就近喺國金二期入貨喎。
行內人啲消息，雖然係路邊社，但因為佢經驗豐富，亦有參考價值。據佢講，某間超市已找尋買家，如果成事，會係明年嘅大deal，會改變競爭面貌。點解母公司要出售超市呢，有外人知道真正理由，冠冕堂皇嘅說法，多數就係「策略轉移」咁上下啦。
做超市，生意銀碼大，屬薄利多銷格，以全世界最大嘅Wal罘art為例，咳成本唔使擇日子，喺美國不時惹上官司或投訴，稅後純利率都係在2.9%-3.6%之間浮動，賺大錢全靠擴大銷量額，但偶一經營不慎或者控制成本唔夠辣，就會白造。有乜人有資格買超級市場呢？一隻手可以數晒，表面睇嚟，中國公司買咗就可能有利，因為可以利用舊招牌與管理方法，返中國大肆擴充分店，話唔定有機會成為中國沃爾瑪。