自從長實帶起喺地鐵站擺展銷攤位宣傳樓盤之後，𠵱家搞到代理都要仿效。中原地產就喺深水埗地鐵站，為昇悅居擺咗個展銷攤位，但只係擺周末及周日。中原一姐劉瑛琳（左二）昨日搵咗發展商新鴻基地產嘅賣樓要員周國賢（左三）嚟剪綵，並公布會送些少優惠畀買家。但聽講最近昇悅居嘅地鐵站係荔枝角地鐵站，奇怪唔知中原點解會揀深水埗？