相信大家都重記得，今年8月西班牙足球勁旅皇家馬德里到訪北京及香港作表演賽時，所掀起嘅一陣皇馬熱潮，但原來同時亦掀起咗奧迪汽車及皇馬合作嘅序幕噃！皆因當時奧迪獲邀作球隊嘅專用座駕，因而促成兩者嘅合作關係；然而，奧迪將於未來三年成為皇家馬德里球隊嘅專用汽車，球員於出席公開場合時，均會乘坐由奧迪所提供嘅座駕，以顯身份。
較早前，奧迪更向每位皇馬球員送出一部汽車，以答謝佢哋嘅賞識及愛戴，其中隊長魯爾及朗拿度皆揀選咗擁有450匹馬力輸出嘅RS6超級跑車、施丹及卡路士就揀咗全新S4旅行車，萬人迷碧咸就選擇A4Cabriolet，至於費高就以A84.2Quattro為首選。喺頒贈儀式上，朗拿度及費高皆對奧迪汽車讚不絕口，並希望佢哋與球會嘅合作關係，可愈趨融洽及長久呢！