區選完咗，大家下一個焦點就會係明年立法會選舉。發叔黃宏發噚日廣邀各方友好，出席佢喺新界東嘅第三個辦事處正式開幕禮。
呢個辦事處位於大埔，而立法會新界東選區則有七個席位，數目之多僅次於新界西，當然成為兵家必爭之地。唔知係咪因為咁，上屆都係參加新界東直選晉身立法會嘅發叔，都要早早開始鞏固地盤。但佢就否認係為參選立法會鋪路，反而係因為𠵱家只有沙田同將軍澳有辦事處，大埔嘅居民投訴話太遠，所以先開多間，信不信由你。以發叔嘅江湖地位，噚日畀面捧場者亦包括政制事務局局長林瑞麟同民政事務總署副署長王榮珍。
（圖）黃宏發（右二）又開辦事處，王榮珍（右三）同林瑞麟（右）都畀面出席。
傳真︰2623-9278
電郵︰