家庭篇：扭計困廁所

石修和太太黃茹麗結婚二十七年，兩夫婦一直相敬如賓，石仔是家中獨子，自幼已受到家人寵愛，但他卻沒有變得驕橫。問石仔一家三口有何相處之道？他說：「基本上我同爹哋、媽咪之間冇秘密，我乜嘢都會同佢哋講，我會好接納佢哋嘅意見，尤其係爹哋，佢自細畀我好大嘅自由度同空間。」
石仔的二十四年人生之中，只給父親打過一次，石修記憶猶新：「嗰時佢得幾歲，好扭計，我咪打佢手板，重困埋佢入廁所，雖然只係短短十秒，我已經好後悔，從此都冇再體罰過佢。」
石仔出道一年，先後跟嘉碧儀和Kawaii傳緋聞，他有時解決不到都會向父親討教，石修說：「我教佢以平常心去面對，只要兩情相悅，就算同大過佢嘅女仔拍拖，我都唔會干涉。」石仔談到擇偶條件說：「我都冇年齡界限，最緊要係女朋友同我屋企人可以融洽相處。」

「我哋啲老嘢唔使理」
此外，石修和石仔的年齡雖相差三十二載，但兩父子沒有代溝。當攝影師拍照時，石修說：「我哋啲老嘢唔使理。」他希望大家將注意力都集中在兒子身上的苦心，眾人皆見。

後記：與高手過招
石修父子都熱愛運動，石仔更學了多年跆拳道，所以他們擺起甫士來都有姿勢有實際。石修一眼認出場館負責人江富德，是早年世界華人自由搏擊冠軍，他們還向江師傅請教。經過指導後，石修和石仔的甫士更硬朗。