西報高層大執位 - 李八方

  西報高層大執位 - 李八方

年近歲晚,西報大執位。
《南華早報》噚日通知有關人等,原來集團副主席兼出版人ThaddeusBeczak年底會離任,但係會繼續做非執行董事。人人都知佢係主席郭孔演早前派入《南早》睇住個檔,𠵱家集團總編輯DavidArmstrong大手臂搞得掂,係時候放手。至於執行老總(港聞)劉志權CKLau就話自己唔想管人,要求去做番寫手。
Armstrong咁老定,因為佢老哥已經成功從Standard挖角,請咗FannyFung馮惠儀過檔做副老總,咁Fanny真係瓣瓣掂,又做過商台英文台、亞視同有線電視,出名反應快,由佢睇港聞,拍住ChrisYeung楊建興,全無問題。
八方聽聞Standard高層會陸續有調動,老總都分分鐘有新任務,重有外面人會加入,個市旺番,睇嚟係真嘅。


傳真︰2623-9278
電郵︰[email protected]