立法會選舉出年九月先舉行，但各路人馬已謀定櫈仔，本來話會循港島區直選嘅潮州怒漢詹培忠，近期已褪軚。
佢近日同八方講，雖然佢一向牙擦，但計過度過都係返回老巢，即係金融服務界功能組別參選。
據潮州詹分析，港島區實在七國咁亂，民主黨謀定兩席，余若薇一席，民建聯憑鐵票，可能想分兩張名單攞兩席，剩番一席有唔少人搶，包括范徐麗泰、鄺其志、曾健成、周潔冰等，所以佢冇十足把握突圍。
但喺證券經紀界，潮州詹話晒做過七年議員，根基雄厚，佢話只要戙支旗出來，要贏唔難。現時有意同佢爭嘅，包括現任議員胡經昌同前任嘅馮志堅，不過九八年兩人曾經都係佢手下敗將，所以潮州詹信心十足。
傳真︰2623-9278
電郵︰