噚日啱啱講過新鴻基地產，噚晚再遇新地副主席郭炳江，因為八方出席佢哋搞嘅國際金融中心商場聖誕派對，佢話重未決定旗下員工明年有冇人工加，但表現好嘅就肯定有賞，「表現好嘅，我哋知道頭20%同事有額外花紅，會有同事升級加薪」，新地現有約兩萬員工，換言之約四千人有花紅。
而國金嘅聖誕派對就認真落本，請嚟攞過七次美國國家體操項目冠軍、美國國家體操代表隊成員ChristineVanLoo，表演空中舞蹈，又請嚟曾經參與電影《蜘蛛俠》第二集拍攝工作、曾擔任柏克萊歌劇院空中表演技術顧問嘅JonathanNosan演出。
有精采表演，孝順嘅仔女當然會帶埋屋企人睇，新地郭氏三兄弟就陪同郭老太到場，大新抱郭炳湘夫人亦有現身，場面溫馨。
傳真︰2623-9278
電郵︰
