「經過呢次好怕女人」

劉鑾雄在記者會上不願談及王穎妤的外貌，並稱不願公開打擊人，並形容和王小姐是自己拍拖以來經驗最好的一次，但同時令他怕了女人。
記：你點形容王小姐嘅為人？
劉：叫我形容好唔公平，我嘅真感受唔方便講。

「王小姐叻啦，影印情信」
記：呢次戀愛經驗對你有乜影響？
劉：經過呢次好怕女人，我唔係講笑，𠵱家一睇勢色唔對就即刻走，我以後唔會亂信一個人，講乜都要時間去證明。唔係有錢冇錢嘅問題，只係我識咁多朋友，從來冇一個咁有計謀咁有諗法。
可能王小姐叻啦，或者可能佢係讀法律，好似佢有影印本（情信）咁，就唔係衝口而出嘅諗法，可能佢搵到老細所以唔驚啦，因為咁其實都影響佢將來搵新男友或者老公。
記：咁係咪你拍拖經歷最差嘅一次？
劉：咁又唔可以咁講，應該係話最好經歷嘅一次。
記：你同王小姐拍過拖，咁你覺得佢外表或者內涵有乜值得人欣賞？
劉：其中一個問題，你睇都睇得到啦，唔需要講，網上巿民都有發表佢哋嘅睇法，由我講就唔公平，我唔想公開咁打擊人。

「以前嘅女友係咪雞我知」
記：咁你覺唔覺得佢係blueblood（皇室貴族）？
劉：我以前嘅女朋友係咪雞我知，佢係咪blueblood我都知，但我唔會答你，有啲嘢自己講係冇用。
記：你以前嘅女朋友有冇因為呢件事打過電話安慰你？
劉：我唔想講，我唔想乘機博宣傳。