想簡簡單單變化小天地?門簾係至潮之選!
門簾最原始用途係間隔空間,只要隨便掛上,就可以將小小位置,變出兩片天地。因為夠好使好用,所以愈來愈受後生仔女歡迎,款式自然愈出愈多,單係獨立懸掛已有睇頭,隨時靚過新款家具!無怪乎銅鑼灣、旺角的年輕人氣商場,都陳設各式各樣門簾,更不時推出特價貨,任你家居隨時可以變新裝!
記者:李玉蘭
攝影:楊錦文
ImageGirl:Fanny、Sum(RichStrategy)
門簾為咗應付年輕男女扮靚心情,點可以只用珠仔串成!市面上成行成市,都係用膠片、閃燈……製成,一於任你配襯!但係後生仔女都係不甘平凡,除了用這些門簾做間隔外,又會扮做假天花、書櫃簾、燈罩、牆飾等,成為一件充滿個人風格的家具!
如果門簾只作間隔用途,只要在牆上或樑上搥兩口釘,把簾掛上即可!如果想要新花款,不妨試試以下花𠱸!
1﹒可將珠門簾同其他扭紋條或立體形狀的門簾作自由組合,更有視覺效果享受。
2﹒若天花油漆一忽忽,可以將簾的兩尾掛在天花上,不但可以遮醜,更令視覺上更加柔和。
3﹒想增加線條美?狠心啲,用剪刀將門簾剪成不規則或傾斜式圖案,發揮無限創意!
4﹒在門簾尾上勾上喜愛的毛公仔,就會變得一屋生氣。
1.在接近廚房或洗手間位置,可以用非易燃或防水設計的門簾。
2.玄關或門口位,可揀較短小式設計的門簾。
3.重量型珠簾較有質感,但進出間可能碰撞身體,所以可揀些輕身的膠片式門簾。
店舖資料
BearinMind
地址:銅鑼灣怡和街1號銅鑼灣地帶135店
電話:28823122
豹屋
地址:旺角彌敦道602-608號Chic之堡249店
電話:60281442
沙田友
地址:旺角彌敦道新天地3樓車仔檔C檔
水晶廊
地址:旺角女人街30號B店
電話:27838815