中大噚日頒榮譽法學博士學位畀李國章，李家上下三代人齊齊捧場，包括上一代嘅李老太、李福兆、李國章胞兄李國寶夫婦，亦有下一代嘅李民橋等。
李家坐喺嘉賓席第一排，寶Baby位太太潘金翠（潘廸生之姊）身穿毛毛領外套，相當搶眼。唔知李太係咪唔習慣咁早起身，喺李國章獲頒博士學位時已經不斷放蚊，後來真係忍唔住，到余光中攞學位時，索性去搵周公，不斷釣魚。
但坐喺另一邊嘅李國章太太就相當精神，佢早排發現患上癌症，𠵱家重康復當中，但就由頭撐到落尾，一啲疲態都冇。呢兩位妯娌嘅表現真係天淵之別。
程志遠攝
傳真︰2623-9278
電郵︰