大劉在記者會中更指王穎妤接受訪問時哭是劇情所需，更直指王穎妤誇大二人的拍拖時間。
問：佢公開喊，你認為佢係咪博同情？
劉：如果張曼玉話喊就喊，話笑就笑，呢啲係劇情需要，佢係劇情需要定係表白內心世界，咁就要佢本人先知，但就好少專業人士會公開自己嘅感情事咯，成件事絕對係有計劃有組織嘅。
問：咁佢有乜嘢目的？
劉：我知佢嘅目的，你問我佢係純粹個人意願，抑或係屋企人意思，抑或幕後有人主使？我相信係幕後有人主使咯，佢咁做純粹係同幕後老細交代。
問：有報道話佢誇大咗同你拍拖嘅時間，四年變六年？
劉：點計都冇六年咯！唔知係咪要配合劇情需要，有套戲叫做《時光倒流七十年》，佢應該講七十年先夠。
問：王小姐話你鍾意女人為你爭風呷醋？
劉：絕對冇咁嘅事，作為男人，女人爭風呷醋有乜着數？唔單止冇着數，重有好多損失，我承認我試過有多過一個女朋友，梗係想左瞞右瞞啦！唔通我話買咗一千萬嘅樓畀阿A，咁阿B又話要，你估我係儍㗎！反而有啲女人就想男人爭以提高佢嘅bid價，我識得一個奇女子，鍾意四圍電人，呢啲係佢嘅本性，佢應該去拍番套港產版嘅《本能》。結果佢成日勁冧電佢幕後老細，我唔方便講邊個，我知道亦唔會講。