老董上京面聖後，話咁快，噚日一早就搭飛機返香港。平日特首上京述職，貴為香港第一夫人，到處提醒人記得佢係邊個嘅董A1一定跟到實，老董見領導，董太就自己搵節目，不過今次有少少怪，由星期二晚到噚日朝早，又冇鱷魚釗昅到實，從未見過董太蒲頭，究竟發生乜事？
老董話佢老婆今次重早過佢到埗，所以起程時記者見佢唔到。到前日老董一早出門去見老胡，董太繼續失蹤，聽講佢又係早過老董出門口去見朋友。
到噚日一早老董離開酒店去機場，董太依然隱形，聽講佢今次都係早過老董動身，一早上定車等。有知情嘅八卦友話，董太今次唔係好想見記者，八方唔知呢個係咪同老董民望太差有關，令佢要盡一切辦法救亡，結果連第一夫人呢件人肉負資產都要委屈吓，睇嚟未來三年幾，董A1焗住冇得威，要潛水，有排痛苦喎。
（圖）特首噚日一早離開酒店由北京搭飛機返香港。
傳真︰2623-9278
電郵︰