梁朝偉和楊千嬅日前接受少女雜誌訪問，他們在新片《地下鐵》中，都是扮演失明人士。偉仔指失明十分「得人驚」，但他們的世界並不黑暗，相反不少健全的人在性格上都有着不同的缺陷。
梁朝偉和楊千嬅日前為少女雜誌《COSMOgirl!》拍照，由攝影師夏永康親自操刀。偉仔和千嬅近日合作電影《地下鐵》，二人都扮失明人士，問偉仔若他突然失明會如何？他說：「會好得人驚，好震驚，成個世界變成黑色，好似跌落深海或者停電咁。我諗到時會好彷徨同失落，但點都要生存落去，學習適應新生活嘅技巧，好似年紀大要戴老花鏡一樣。」
千嬅因參與《地》片，之前探訪過失明人士學校，對他們的生活有更深入的了解。千嬅說：「佢哋唔會自怨，反而會更用心同毅力去鍛煉自己，最後成功地做到好多嘢，佢哋通常都身懷絕技。失明人士可能比我哋重冷靜同內斂，佢哋會用心去聆聽世界發生緊乜嘢事，佢哋嘅世界唔係黑色或者冇顏色嘅。其實有冇顏色並不重要，最緊要個心唔好係黑色。」
此外，《地》片日前在筲箕灣拍攝外景，由於現場正在拍攝一場談情戲份，在場數十位圍觀的市民當看到二人擁抱或親熱鏡頭時，便立即起哄，一度阻礙拍攝進度。
《地》片將與《魔戒三部曲：王者再臨》及《無間道III終極無間》等同於聖誕檔期上映，由於千嬅主演的《安娜與武林》亦在同期上映，故尤其緊張，千嬅說：「今次同偉仔合作好有默契，我哋拍親熱、接吻戲都好自然，偉仔又會帶我入戲，係一個好好嘅經驗。」
撰文：比華利