容祖兒（Joey）近年的形象不停轉變，大走成熟性感路線，為了變身成功，不惜由頭到腳重新包裝自己，衣着方面會選擇歐洲的名牌，如Prada和MiuMiu，而髮型則多番嘗試，尤其喜歡曲髮和駁髮。
容祖兒初出道時，髮型和衣着儼如鄰家小女孩，形象亦未見突出，但經過形象設計師的改進，加上她努力纖體，現在打扮起來已甚具時尚風格。
Joey近年最突出是「變髮」，她前晚在將軍澳電視廣播城錄影《勁歌金曲》時，大談如何將三千煩惱絲化腐朽為神奇。
Joey說：「我自從轉咗去HairCulture整頭髮，佢哋幫我搞咗好多新意思，好似之前電到啲頭髮好攣，演唱會嗰陣又玩吓駁髮。」
入行多年，Joey希望可以擺脫鄰家女孩感覺，變成一位成熟女歌手。Joey說：「我除咗從頭髮入手，我近期都唔再着日本牌子嘅衫，轉着歐洲牌子，我鍾意Prada同MiuMiu。我覺得以前casuallook好簡單，但希望將來可以着得成熟啲出席公開場合，畀大家新形象。冬天會着多啲fur、短裙同長靴。」
Joey亦很着重整體打扮的感覺，她說：「我好注意飾物嘅配搭，我嘅面形唔可以戴吊嘅耳環，只可以戴一粒嗰種，否則出嚟嘅效果會好『八婆』。都鍾意戴Tiffany同Gomme呢兩個牌子嘅飾物。」
採訪：馮美茵 攝影：陳慧安
