大劉更表示，昨日只說出真相的5%，還稱已逃避了王穎妤兩年之多。
問：咁你點解會同佢一齊？
劉：我希望人哋識得改，但係三歲定八十，改唔到。咁一個人踩完屎梗係想逃離侏羅紀公園啦，唔通想繼續踩屎咩！佢離開我屋企大大話話幾十次，係我衰心軟啫！佢成日話：『你以前啲女友係雞，都使咁多錢，我係blueblood（皇室貴族），你又使咁少錢！』要人錫唔係講大話去爭取㗎！
問：你係咪成日送歐洲機票畀王小姐，同佢屋企出去旅行？
劉：我今日出嚟講嘅嘢，只係講我同王小姐嘅私事，牽涉到其他人我就唔講嘞。
問：你話王小姐今次件事係部署咗好耐？佢目的係乜？
劉：我知道晒來龍去脈，我逃避佢同佢幕後老細嘅追殺成兩年，今日只係講咗5%真相。