雖然踏入12月，仍見新車接踵而來，本田代理繼推出Facelifted新版Stream之後，剛啱嘅又運嚟新版Civic抵港，並將於下周五響全線陳列室首展㖭！今趟Facelifted新版Civic嘅改動，主要集中於車頭造型上，要變得更富動感同有活力，除改換上至型嘅新款頭燈外，重有新設計嘅車頭泵把同鬼面罩橫柵；此外，為要提升車廂寧靜度，重內置加添有隔音物料。講到安全方面，新車後排更配有三套三點式安全帶，以彌補原有不足之餘，後排更附設ISOFIX兒童座椅扣㗎！
新增咗咁多設備，惟經亞Mark打聽所知，新Civic車價只不過係$129,800起，頂級豪華版亦只係$152,800（自動波）咋！若然你係Civic嘅忠實Fans的話，就記緊屆時落Showroom睇吓喇！