Twins近日正趕拍賀歲片《見習黑玫瑰》，患支氣管炎的蔡卓妍自言病到暈，所以耍醉拳時特別神似。而《見》片導演黃真真最近因不滿部份戲份未經她同意下，遭人擅自修改，故憤而辭去導演一職。
電影《見習黑玫瑰》一片本由黃真真擔任文戲導演，而武戲場面則由甄子丹執導。但近日有消息指黃真真不滿由她執導的部份戲份，在無人知會她的情況下被修改，而且她的文戲組數被刪剪到只剩回八組，大部份開工通告均由甄子丹主導，加上近日電影公司一直沒發通告聯絡黃真真開工，令她更加生氣，故憤而辭去導演一職。
記者昨日以電話訪問黃真真時，她說：「呢件事我唔想講咁多，總之我只能夠講，我拍嘅戲份好少，𠵱家已經拍完晒啦！我同寰宇會繼續合作。」
此外，Twins日前帶着一臉倦容，往元朗某片場拍攝《見習黑玫瑰》，二人在《見》片中均有一場耍拳戲，蔡卓妍（阿Sa）耍醉拳，而鍾欣桐（阿嬌）則耍蛇拳，兩人異口同聲指拍攝這幕戲十分難忘。
阿嬌說：「拍嗰幕戲當日啱啱拍完MV，冇瞓覺就去片場開工，足足打咗六個鐘頭，一路學一路打。」
阿Sa則說：「自己本身都暈吓暈吓，都好似耍醉拳咁。」原來近日氣溫驟降令阿Sa患上支氣管炎，加上工作排得緊密，令她疲倦至自己身在片場或家中也混淆不清。阿Sa說：「今朝早助手叫我起身，重要諗自己喺片場定屋企，發現原來自己喺屋企，但係已經唔記得咗噚晚邊個抬我入屋，咳咗個幾月，睇醫生打針都冇用。」
採訪：魯萍 攝影：陳慧安
