滙豐大班艾爾敦兩位公子熱愛中國文化，曾經喺國內大學讀普通話，記得舊年Euromoney研討會致閉幕詞時，艾爾敦向兒子取經，活學活用兩句普通話向與會者祝頌同鳴謝。
今年又出席該研討會嘅大班噚日同八方講，「SonNo.1」（大仔）嘅普通話「過得去」，目前喺北京工作，「SonNo.2」（細仔）普通話造詣更加了得，甚至能用共黨式「簡體字」寫演詞，據知情者講，啲文章重通順過特首施政報告。佢重話細仔明年一月亦會來華工作。八方覺得艾爾敦一門三傑，以實際行動表現出佢哋全方位睇好大中華市場潛力。
另一邊廂，前德國總理舒密特喺研討會第二日致開幕詞，呢位過氣政壇巨人，雖然棟住柺杖，但演說仍鏗鏘有力，憶述三十年前擔任德國財長嘅經歷，當時越戰後美國經濟萎縮，透過政治壓力，迫與美元掛鈎嘅馬克脫鈎升值，猶幸當時內閣反對，數十年後馬克成功變身歐元。舒密特寄語中國唔好向政治壓力低頭，但長遠計人民幣要向自由兌換邁進。
傳真︰2623-9278
電郵︰