喺前幾日，灣仔船街南固臺鬧鬼傳聞弄到全城熱烈討論。係咪有鬼好難妄下判斷，但係呢件事卻喚起大家對本港古宅嘅關注。就當溫故知新，今日我哋再走訪本港幾間古老大宅，睇吓佢哋各有甚麼特色。打頭炮嘅，係曾經最出名嘅高街「鬼屋」。
記者：陳震霖
攝影：陳盛臣
模特兒：Candy（Space2）
雖然以往曾經做過醫院、日軍總部、行刑場，之後又改作精神病院。不過，呢一切已經成為過去，因為喺2001年鬼屋已經改建成為西營盤社區綜合大樓，當年舊貌只剩一道牆。但據聞喺興建期間建築商曾多次設法事超渡亡魂。今時今日，鬼屋只保留前面外牆，後面已經變成新簇簇嘅綜合大樓，燈火通明，恐怖嘅感覺已經蕩然無存。
喺綜合大樓隔籬東邊街嘅美沙酮診所感覺更似鬼屋，古舊紅磚外牆設計，屋前樹影幢幢，已經足以構成一幅陰森嘅畫面，夜晚入去相信會更加陰森。
位於荔枝角道與塘尾道交界，係九巴創辦人雷亮嘅祖傳物業。一直以嚟雷氏都有祖訓，下令唔可以清拆呢間風水樓。直到有位後人打算清拆嗰時，怪事就接二連三咁發生。有傳工人拆樓時，工具不翼而飛，又有人曾經見到雷生春下層有個細路喺度踢波，不過個波係人頭。自此之後，再無後人打算清拆大屋。古物諮詢委員會已通過把雷生春列作法定古迹。
幾日前新聞報道幾位青年到此探險出事，懷疑「撞邪」，引來唔少市民走嚟影相八卦一下。聽行過嘅居民所講，雖然前門已上鎖，但呢幾晚重有唔少年輕人偷偷喺外牆爬入鬼屋探險。佢哋重解釋呢條街之所以叫船街係因為以前呢條街靠近海邊，而呢間鬼屋南固臺更加係位於懸崖邊。
