移居澳洲墨爾本多年的前藝人杜平，在當地唐人街開設了一間日本食肆，名為銀座日本鐵板燒。日前記者專程拜訪時，杜平笑說：「喺呢度做老闆同打工一樣，乜嘢都係自己一腳踢，不過，我都享受呢種生活，對以前娛樂圈多姿多采嘅生活一啲都唔懷念，就算懷念都係懷念一班朋友。但班朋友好多時過嚟澳洲都會探吓我，大家敍吓舊。」
杜平現有兩子一女，女兒任職保險業財務要員，兒子則分別為藥劑師和建築師，事業均有成，令杜平大為安慰，杜平說：「當年我移民澳洲，無非係為咗仔女讀書問題，𠵱家我間唔中都有參與娛樂事業，好似澳洲嘅華人新秀歌唱比賽我都有份搞。」
記者卓美娟墨爾本直擊