曾成為車迷追捧對象嘅平治SLK開篷跑車，由推出至今已有多年嘅時間，但外形沒有多大改動，或多或少會予人看膩之感；不過最近就有消息傳出，話廠方現正密鑼緊鼓研製新一代SLK，而且重預計於2004年夏季登場。
從預想圖中可以睇到，新一代平治SLK跑車嘅車首造型，與早前榮獲多個國際獎項嘅SLRMcLaren高性能跑車相近，當中一組炯炯有神兼以低斜形式出現嘅頭燈，最為惹人注目；然而，新車將會沿用一按式開關嘅電動硬摺頂設計，從而令你盡享開篷駕駛樂趣。車廂布局亦屬全新配搭，但仍有待廠方公布有關細節後，方能確實其配搭。
該消息又指，新車會有多個引擎配搭供用家選擇，當中包括有1.8公升Kompressor型號、頂級SLK55AMG所採用嘅5.4公升V8型號，動力輸出各有不同，定能迎合不同用家需要。有興趣嘅車迷，記住留意新車嘅確實推出日期喇！