八方噚日去貿發局搞嘅CEPA中小企商機博覽研討會，渣打銀行前任中國業務主管黃遠輝，以第一身經歷向在場中小企負責人講述上海嘅商機處處。
黃師傅自離職後一直四處遊歷，但今次有備而來，提供詳盡資料，現場更有佢著作嘅《競逐大上海》一書出售，不少fans搵佢喺書上簽名留念。黃師傅話𠵱家閒時會玩吓投資，買啲股票外滙。咁幾時會重投金融業？佢話希望做啲有意思、具挑戰性嘅工作，但要等機遇。但佢又話自己想輕鬆吓，做啲喜歡嘅嘢，例如寫書，講番喺金融市場二十年嘅實戰經驗，𠵱家又報讀緊一個中大嘅中國考古學課程，未知收唔收佢。黃師傅又想過教書，更想租塊地耕田。佢又係地球之友會員，可以做環保工作，但統統得個想字，未有決定。
（圖）黃遠輝離職之後一直四處遊歷，今次返嚟向中小企負責人講吓上海商機。
傳真︰2623-9278
電郵︰