浸大校長吳清輝噚日喺畢業致辭時，借南宋抗元英雄文天祥寧殉國也不投降，向學生解釋何謂「榮譽心」。
吳校長其實借機以古諷今，話喺現實生活中，經常睇到唔少位高權重嘅人，或者平時大義凜然、以公義鬥士面貌而取得社會地位嘅人，一遇到考驗時，一係就文過飾非、諉過他人，一係就以「我只不過係個普通人之嘛！」嚟為自己開脫。
近期形容自己「普通」嘅人士，八方一諗就諗到話自己係普通官員嘅教統局局長李國章。但吳校長強調大家唔好對號入座，但又話事實香港真係有啲官員係A字膊，叫大家自己估係邊個人喎。
（圖）浸大噚日舉行畢業禮，除咗校長吳清輝（右二）外，科大校長朱經武（右一）都有出席。
傳真︰2623-9278
電郵︰