最好味的湯水，莫過於由自己親手炮製的靚湯，尤其是特別為「愛人」而煲時，那種由製作至享用的過程，永遠總是「甜在心頭」。
要煲好味有益的靚湯其實不難，最重要是懂得配合材料及選用合適的爐具，如果因工作繁忙沒時間煲出「老火靚湯」，簡單如一碗蘋果肉片湯，花幾分鐘時間亦可達到秋冬進補功效。
蘋果正氣，瘦肉滋陰，所以這個湯水最適合經常腸胃不適的都巿人。製法上，先將兩個蘋果及四両瘦肉洗淨切片，然後放五碗水入煲內，水滾後放入肉片及一片薑，再放入蘋果煮兩至三分鐘即成。
當然，若時間許可的話，花數小時煲出的有益靚湯，永遠最受歡迎。不過，「老火湯」要煲得好味，首要條件要用「瓦煲」。除此之外，巿面上流行的真空煲，絕對是現代上班一族煲湯百寶。
曾經是香港旅遊協會成員的《蒸燉炆棧》，是不少外國遊客慕名而來的食府，而香港一班高官如曾蔭權、任志剛、林煥光及陳方安生也是他們座上客。負責人溫兆明表示：「以前賣嘅燉湯，最平都要五十蚊一盅，𠵱家十幾蚊都有交易。雖然大幅減價，但絕對唔會將價就貨，我哋堅持唔用味精，所有出品都係以雞湯燉湯（他強調其他食巿都以清水燉湯），全部至少燉六至七小時以上，十幾蚊只係收回材料及煤氣費嘅成本。」
事實上，《蒸燉炆棧》今個秋冬季節推出過十款進補燉湯，各有不同補身功效。總之，「女人唔補好易老，男人要補就行快步。」
蒸燉炆棧
地址：灣仔大王東街21-23號
電話：25293913