男子組合Shine昨日往銅鑼灣時代廣場出席TagHeuer手表活動，兩人各自獲贈兩隻價值四千二百五十元的手表，現場還展覽一輛一級方程式的賽車，但天佑倚在車旁時，一時忘形踩爛車身的鐵片。
天佑獲贈兩隻手表，問他會否將其中一隻轉贈緋聞女友Miki作聖誕禮物？他說：「我哋唔興送聖誕禮物嘅，係都送畀家姐或者阿嫂啦，方力申知我今日有表收，已經打咗電話畀我，諗住打我隻表主意，我一聽見佢咁問，即刻話：『我遲啲打畀你啦』。」
又南表示十分喜歡賽車，他說：「我舊年去過澳門睇賽車，氣氛真係好好，重有贊助商話贊助我出賽㖭，不過有風水師話呢排車唔利藝人，所以先至唔成事。」
採訪：梁錦雯
攝影：陳偉權
