楊千嬅平日多以便服上衣襯牛仔褲示人，出席隆重場合，她今年的首選是紅衣襯黑裙，MiuMiu及Zucca是其心水牌子。紅襯黑的配搭，臨近聖誕節，增添濃濃節日氣氛。
楊千嬅出席普通場合時，喜歡以便服打扮示人，但遇上大場面，自然要隆重一點。
日前千嬅到禮賓府出席活動及演出大騷時，就以紅色上衣黑色裙，加對長尖頭靴亮相，高貴隆重之餘也不失少女味。
千嬅近日對購入的Ashish黑色薄紗裙及HelmutLang長boots表現得愛不釋手，一再穿着亮相公眾場合。
一次千嬅配襯MiuMiu鮮紅色吊帶薄紗上衣，外披Zucca外套；另一次則配以紅色GabbyHarris小背心，紅襯黑的配搭在臨近聖誕節，增添濃濃節日氣氛。
千嬅說：「我近期鍾意着MiuMiu同Zucca呢兩個牌子，因為個cutting好啱自己。其實我除咗出席大型活動同頒獎禮會搵設計師外，好多時我都會mix&match幫自己襯衫，亦都會趁搭飛機嘅時候，參考吓日本同埋外國時裝雜誌。」
問千嬅今年冬季買了甚麼服裝？她說：「多數都係啲懷舊look嘅衫，好似八十年代嘅味道，今年冬季都會興㗎！」
千嬅又表示最喜歡的顏色包括紫色、紅色及桃紅色，但衣着顏色向來不會太花巧，所以一定會買些深色衣服配襯，令鮮豔效果更加突出。
採訪：駱華齡、陳梅香
攝影：陳烱威
