區選剛過，立法會選舉的戰火已暗暗燃起。今年民建聯仆到直，所以明年呢場仗，有關方面更不敢造次，要更早部署，八方最近見親人，佢哋都已經講緊明年嘅嘢。噚日聽銀行界前輩話，佢哋界別場仗一定好睇。上一屆有人捧孔令成出嚟挑戰李國寶，孔令成結果輸在太後生，於是今次就有人想游說王冬勝去馬，王大班高大威猛，形象又正面，只要爭取部份外資行支持，加埋上次倒李的強大勢力，都有勝算。
不過李國寶亦唔會輕敵，在痛斥葉劉淑儀怒批何志平等人是大非的關節上，贏得公眾由衷佩服，懂得重質不重量（開會次數）嘅銀行家，一定唔會離棄佢。
傳真︰2623-9278
電郵︰