右李唔識左麟工作人員？
阿倫否認結新歡愈描愈黑

譚詠麟近日被周刊指他追求二十三歲女子，又指他經常出現黃埔接送該女子，譚詠麟昨日解釋當晚因需和李克勤錄音，而該名女子不過是工作人員，只是順道帶她回錄音室，但李克勤卻表示不認識該女子。

譚詠麟（阿倫）、李克勤、梁詠琪、盧巧音和梁漢文等歌手，昨天齊到港台，出席「十大中文金曲」專業評審日。常自稱二十五歲的阿倫，最近被周刊拍得與一貌似郭羨妮的女子一起，指他近日來經常出現黃埔，管接管送。
昨日大會安排歌手分兩邊坐，阿倫被一大班記者圍住，坐在另一邊的歌手如梁漢文和盧巧音，則被冷落。當記者找阿倫做訪問時，他就主動開口說：「講番自己先，我係主菜嘛！好多謝佢哋喺呢個時間幫我造勢！」

「克勤病咗冇錄音」
報道指阿倫到女方的家接載對方，阿倫解釋：「搞錯晒啦！當日本來要錄音，但係我蛇咗去踢波，踢完咪接埋個工作人員返去錄音室囉，去到先知克勤病咗錄唔到，咁我再送番佢返去。我唔係閃避，我有停低㗎！」
另有記者再找來當日同樣需要錄音的克勤做訪問，怎知克勤說：「唔知嗰個女仔係邊個，唔識佢，我都諗住去問清楚係乜事，我覺得佢係朋友居多。」

「監製叫我車埋佢」
事後阿倫再以電話補鑊說：「嗰日踢完波監製叫我順路車埋工作人員去錄音室，點知克勤病咗，咁我咪送番個女仔返去。克勤梗係唔識個女仔啦，因為我哋平時分開錄音室錄歌，要合唱嗰時先一齊錄啫！」問阿倫會否怕他的身邊人誤會生氣，他回答：「乜誤會吖？佢知道我做緊乜嘅。」
採訪：王連連
攝影：陳烱威