名模歐陽妙芝前晚往中環演出Tiffany珠寶show，定於明年出閣的伊人表示，現階段仍在挑選婚紗及晚裝，還未決定佩戴甚麼珠寶，但已屬意鑽石。對於早前與男友拍拖時，男友情不自禁當街吻她，她笑言男友鬼仔性格，一日吻她很多次。
名模歐陽妙芝、周汶錡及LisaS.前晚往中環Tiffany店出席珍貴寶石及美鑽展，示範珍品。這批珠寶分三個系列，共同之處是結合時裝元素，更顯時尚魅力。
三個系列的珠寶包括「TiffanyBasics」、「TiffanyClassics」及「TiffanyTreasures」，分別配合日裝、酒會服裝及晚裝，令女士在全日不同時段皆可藉珠寶閃出光芒魅力。
待嫁新娘歐陽妙芝被問到是否已開始着手挑選珠寶，她說：「𠵱家重頭痛緊着邊款婚紗同晚裝，未諗到戴乜嘢類型嘅珠寶，但係我都係屬意戴鑽石，因為鑽石代表永恒，而且珍珠始終會變黃，翡翠又會碎，不過已經有珠寶公司話會贊助我，起碼慳咗一筆。」
早前歐陽妙芝與男友Steven被拍到在太古廣場拍拖，情到濃時Steven更當眾吻她面頰，她說：「嗰日我哋係陪朋友購物，店內嘅售貨員已經通水話有人揸住攝錄機喺度拍嘢，我男友重以為係啲自由行喺度拍攝留念㖭。」
問歐陽妙芝其男友大庭廣眾吻她，她說：「嘻，佢一日錫我好多次啦，佢喺外國長大，係鬼仔性格，佢日日都係咁錫佢婆婆同妹妹㗎啦。」
採訪：DebbieLum
攝影：ChanKwingWai
