許志安與蒙嘉慧昨日在赤柱為音樂特輯《富豪海灣非凡情緣》拍了一場接吻戲，在一場激吻後，有記者問安仔：「Sammi好咀啲，定蒙嘉慧好咀啲？」安仔尷尬地笑說：「𠵱家啲記者問嘢咁直接，呢啲嘢我唔會答。今日我同蒙嘉慧拍咀戲，事前蒙嘉慧重畀咗塊香口膠我食，呢場戲拍得好自然。」
在該音樂特輯中，安仔飾演建築師，蒙嘉慧是設計師，兩人在一個宴會巧遇後一見鍾情，安仔則夢想和對方熱吻，導演安排了兩人在昨日拍此場夢境戲。安仔說：「今日導演先至同我講有場咀戲要拍，咁蒙嘉慧同我都覺得冇問題，咁咪拍囉！我哋係專業演員，所以大家都拍得幾自然。」有說安仔深宵為鄭秀文買消夜，安仔沒好氣說：「呢啲嘢唔講啦！」
採訪、攝影：王崇穎