AIA國際會計師公會香港分會同亨達國際合作，舊年開始搞咗個港人投資取向調查，今年第二次，重搞咗個「香港工商及財經界最具影響力的風雲人物」選舉，結果由長實主席李嘉誠獲選。AIA國際會計師公會香港分會會長林耀就話，呢個結果兩日前先有，佢哋趕快通知李嘉誠。雖然誠哥貴人事忙，都有派出長實副主席麥理思代領獎，可見超人幾重視呢個獎項。
據林耀就講，今次收到三千幾份問卷，三分一回應者投票選誠哥，至於緊隨其後嘅係財政司司長唐英年，第三名係金融管理局總裁任志剛，其他被提名嘅重有特首董建華，同政務司司長曾蔭權，前財爺梁錦松都竟然有份。
（圖）「香港工商及財經界最具影響力的風雲人物」跑出，誠哥排第一，唐英年同任志剛就排第二、三位。
傳真︰2623-9278
電郵︰