有人稱李國章喺立法會開會期間打機，八方覺得呢單唔係乜嘢大新聞，但都好有興趣想知多啲，噚日咁啱遇見科大校長朱經武，於是問個究竟。佢話自己當時坐喺局長隔籬一個位，要忙於睇各方提交嘅資料，所以睇唔到局長到底係咪打緊機。 朱校長又補充，話對成件事所得到嘅結論係「唔打機係比較啱」，同埋「對人尊敬係好重要」。咁驚唔驚「打機事件」會令學生同局長之間嘅關係更惡化，同埋觸發學生有更激烈行動？朱校長話，香港重有太多問題要解決，所以大家應該退一步去諗。 傳真︰2623-9278 電郵︰[email protected]