聖誕節，香港無雪落，好多人都諗住出國旅行，過番個白色聖誕，正所謂一篋去兩篋返，旅行一定大出血，尤其係女仔，點忍得手唔瘋狂掃貨吖？一篋裝唔晒啲戰利品，唔通去到外國先買個新篋咩，都係買定多個旅行篋有着數，咁啱旅行篋今日搞大減價喎，邊度？跟住我嚟喇。
記者：何善華 攝影：伍慶泉
模特兒：Mandy、Alan（Imagine）
海港城搞「X掭asFair」展銷集，場內貨品以旅行用品為主，好似旅行篋、手提袋、旅行背囊、羽絨風褸等，貨品齊全款式夠多，旅行篋幾百蚊有交易，買定兩三個托去旅行，掃多多貨都唔驚喇。
Samsonite，即係新秀麗，老字號旅行篋品牌，信心保證之選，有3年保養，唔驚意外損爛無得賠，密碼鎖、雙拉鏈設計，紅色搶眼去旅行夠醒目，6折開倉絕對平通街，必掃之選。
Saturn旅行篋，前面有3個拉鏈袋，篋身體積不變但增加盛物量，大包細包濕濕碎碎乜都擺得晒，手提位分別置於篋側同篋頂。
ElleParis中型手提篋，容量一般，勝在輕便易用，適合返大陸或東南亞國家短線遊用，手柄位可伸縮拉長，方便就手，備密碼鎖及隱藏拉鏈。
去旅行掃貨，大件嘅擺入手提篋，細件嘅咪塞入背囊囉，PierreRiche紅黑背囊，前身有扣、側有索繩，方便你掛起細件精品玩具，背部有彈弓設計，有助減輕背脊壓力。
無論出國公幹，或者去旅行玩，證件永遠跟身，無咗一個「百寶袋」又點得呢？ElleParis公事包體積輕巧，賤價發售$100有找，女人街都未必買到。
70%羽絨質料，外形夠潮，着上身唔覺臃腫，有帽設計，落雪唔驚整濕頭髮，凍一凍都頂得住。
3折唔使就掃到件Fila風褸，平到笑，但緊記不可以洗衣機浸泡，否則件衫一定縮水，到時報銷就閣下自負。
去旅行着運動外套最舒適，杏色唔刺眼，心口位有拉鏈方便除下同透氣。
Polo恤啱晒不同年齡嘅人士穿着，一身健康形象百看不厭，藍白紅直間設計鮮豔分明，夠Sharp夠醒神。
甚有書卷味的灰色半樽領冷衫，斯文淡定夠得體。
南生圍日日都有唔少市民欣賞「鱷魚玩人」事件，其實小鱷魚得意又可愛，搭飛機瞓唔着咪攬實佢囉。
個個咕𠱸都鬼咁Cutie，半價咁抵，掃埋佢囉。
地址：尖沙嘴廣東道11號世界商業中心3字樓
電話：21188008
開放時間：11:30am至8:30pm