原來除咗女人天生熱愛鑽石之外，連大男人都為佢着迷。繼前財爺阿松以《踩地雷》冧掂國寶做老婆後，李國章局長前日喺立法會教育事務委員會嘅公聽會上，被學生會會長當場踢爆佢低頭玩《鑽石方塊》，無誠意開會。其實又好難怪李局長咁忙都重要打《鑽石方塊》，因為呢隻Game易上手兼夠刺激，PalmOS、PocketPC、Windows三大版本長期佔據下載榜榜首，喺坊間非常流行，幾乎係每部電子手帳必備嘅遊戲之一。今日就刊登《鑽石方塊》嘅下載網址，等大家同李局長一齊分享咁好玩嘅Game，不過奉勸大家一句，最好貼番張有坑紋嘅屏幕保護貼，咁樣就唔怕俾人昅到打機喇。
記者：徐影龍
官方下載網址：