名模周汶錡、蔣怡、3T的劉思惠（Maggie）和蔣雅文（Mandy）等，昨日到尖沙嘴出席家具店開幕活動。談到對家居的要求，Maggie表示講究睡床和浴室，要睡Queensize的大床；而Mandy則表示她的居所滿布雜物，像博物館般。
名模周汶錡、蔣怡、陳嘉容、Rosemary、馬詩慧、吳文忻及3T的劉思惠及蔣雅文等，昨日往尖沙嘴中港城出席帝家設計家具店開幕活動。
為了突出溫暖家居的主題，昨日一班名模收起平日的冷酷甫士，只須坐於梳化或椅子上擺甫士便可，各人都表示十分輕鬆。
Maggie及Mandy被問到對家的要求時，Maggie說：「屋企最緊要光猛，同埋熱熱鬧鬧。我屋企有兩隻狗，已經合乎呢個要求啦，另外我對睡床同浴室都好講究，我要瞓Queensize嘅床，同埋我鍾意浸泡泡浴，浴室要有音響設備。」
而Mandy則說：「我成屋都係雜物，好似博物館咁。我嘅dreamhouse係要有六十年代懷舊感覺嘅，最好貼滿晒啲電影海報。」她並指最近懷疑「俾鬼責」，她說：「都證實唔到係真定假，但係我已經擺咗張觀音卡喺床邊㗎啦。」
此外，馬詩慧被問到對家具的要求時，她說：「結婚前就好講究，結咗婚有細路就寧願買啲實惠啲嘅家具用，因為兩個女成日喺梳化同枱上面畫嘢，用貴家具盞心痛。𠵱家見到仔女畫花晒啲家具，惟有安慰自己話佢哋有創意啦！」
採訪：RitaLeung
攝影：HoKwokHo
