自兩年前遭到失婚的打擊後，三十歲的阿儀從沒放棄自食其力的念頭，努力工作養活女兒阿恩，惟上月她不幸再度墮入失業網，現已欠下兩個月屋租，口袋僅餘二百元，只夠數日開支。蘋果日報慈善基金了解其困境，即時撥款予以援助。
「早兩日先去見過卡拉OK侍應，不過見完只係叫我返去等消息；另外，遲啲我會去報一啲再培訓課程，希望可以盡快搵番一份長工。」阿儀說。
兩年前，阿儀與結婚七年的前夫離婚，現年八歲的女兒跟她生活。原本任職時裝售貨員的阿儀，月前失業，她在朋友介紹下轉職清潔散工，惟做了短短三個月，清潔公司於上月因生意不景結業，阿儀至今未能另找工作。
「我𠵱家只係剩番二百蚊，唔知可以捱幾耐。」阿儀懊惱地說。
「個女都知屋企困難，有時都會同社區中心啲姑娘講，話好擔心媽咪冇嘢做。」
阿儀一方面積極搵工，另方面亦已向社署申請綜援，有待審批。蘋果基金即時撥款六千元予她應急。
捐款編號：C1190
暖流熱線
電話:29908688
傳真:23702192
電郵:
網址：