日前，香港仔海濱活魚批發市場罷市，但由於只停開一日，所以對魚檔影響不大。
記者：羅惠芬、謝翠玲
昨日，記者到港九街市睇過，銅鑼灣鵝頸橋街市永德生猛海鮮何老闆話，佢哋有五成海鮮向香港仔攞貨，但罷市時間短，所以貨量只稍為減少，價格普遍不變，有些只貴幾蚊。但佢話如果第日批發市場商戶要交租，價格便可能會貴啲。
資料來源：永德生猛海鮮
至於九龍區，喺旺角奶路臣街嘅華記海鮮黎先生話，佢哋賣開高價海鮮，主要喺鯉魚門入貨，所以貨量並不受影響。
而喺花園街街市洪興海鮮檔主話佢地喺流浮山入貨，所以啲活蝦價錢也不受影響。
資料來源：洪興海鮮
