老董喺區議會選舉後，今日急急上京述職，聽講佢會搭今日傍晚五點幾嘅飛機上去，今次有三間航空公司畀佢揀。平日除咗港龍之外，只可以坐中國國際航空上北京，今日開始多一個選擇，因為國泰復航北京嘅第一班飛機，今日下午五點五十分就起飛，起飛時間同港龍一模一樣。一般嚟講，佢多數會坐佢位公子任職嘅港龍航班，但係今次佢作出咗最愛國嘅選擇，揀咗早三十五分鐘起飛嘅中國國際。
另外，老董家族公司東方海外噚日公布，佢哋剛剛委任咗港大經濟學講座教授兼商學院院長王于漸做獨立非執行董事。而東方海外重有兩項任命，包括委任鄒耀華為董事，現任董事張燦榮則獲委為公司副主席。
鄒今年七月才升任該公司營運總裁，屬於集團資深要員。張則為東方海外重臣，在該公司工作了三十四年，現為東方海外貨運的行政總裁。
傳真︰2623-9278
電郵︰