唔知係咪因為呢幾個月，幾乎隻隻新股上市首日股價都上升，抽中嘅散戶次次都有得執，所以在散戶群中形成咗一批平日唔多炒股，但就專抽新股的新勢力。
即將公布招股的新股，計有size過百億銀的中國人壽、百記做保薦人的長城汽車、台灣客做搞手的嘉新水泥，同埋開採黃金的礦業股紫金。究竟認購新股有乜特別策略呢？
經紀陳話，中國人壽大大隻，相信好多散戶會當正係中銀香港（2388）咁入飛，認購會非常踴躍，但因為太大隻，估計難以重演人保財險（2328）上市首日勁升的神話。
長城汽車因為保薦人百記往績甚佳，故此有所憧憬，但據芬佬方面來料，掂就會掂但就唔好諗住有爆炸性驚喜。至於台灣客做搞手嘅嘉新水泥，縱觀同類股除咗海螺水泥（914）外，真係唔多覺有邊隻夠鑊氣。
紫金就相當渴市，皆因本港股市並無同類股，據講內地同胞同芬佬都會大力捧場，所以佢估4隻新股中，以呢隻最有鑊氣。
慕容小初