噚晚嘅自由黨黨慶認真星光熠熠，除咗老董畀面出席外，三司十一局當中，兩司六局都有主要官員出席，梁愛詩一早去酒會，因為重有兩場要趕，唐英年唔知係咪避嫌，只參加晚宴，重有葉澍堃、王永平、李少光、孫明揚、馬時亨、楊永強，商界有何鴻燊、鄭裕彤、林高演、李澤鉅、吳光正，學術界有潘宗光，點數都冇辦法數晒。
田少，周梁同埋劉健儀等人見各大政黨有頭有面嘅人都嚟齊，真係心花怒放，竟然連國歌都唱埋。李柱銘同李永達俾記者圍住問選舉旗開得勝，曾鈺成同葉國謙就梗係問邊個接班。連惹火人物鄔維庸同王敏剛都企正喺大堂中間，任問唔嬲。
傳真︰2623-9278
電郵︰