楊千嬅昨日出席活動，大爆小時候看電視時，每當男女主角有親吻鏡頭，其父均會遮着她雙眼，不准她看。千嬅早前與梁朝偉拍攝新片《地下鐵》，偉仔閉目在商場內尋找千嬅，二人更大過kiss癮。
楊千嬅和梁朝偉主演的《地下鐵》將於聖誕檔期上映，導演馬偉豪為應節，刻意安排在一個充滿聖誕氣氛的廣場拍攝煞科戲，此場戲講述偉仔回復視力後向千嬅示愛，但千嬅因自己失明，不敢接受對方。
偉仔為證明兩人有緣，約定千嬅在一個擠滿人的商場玩緣份遊戲，最後偉仔緊閉雙眼在人海裏找到千嬅，開心得與千嬅擁吻，兩人毫無避忌，拍得相當自然。
偉仔需要閉目扮盲去尋找千嬅，所以他在人海中不是碰到人就是碰到柱，極之狼狽，偉仔說：「呢場玩緣份嘅煞科戲，導演搵咗二百個特約嚟拍，我要扮睇唔到嘢，然後喺人海中搵千嬅，搵到佢之後就開心到咀起上嚟，呢場戲一次過就拍好，完全唔使NG。」
另外，千嬅昨日以聯合國愛滋病規劃署香港大使身份，出席在沙田舉行的「性本善online網站」啟播活動，她表示曾經私下探訪愛滋病患者，發覺他們對公眾人物頗為敏感，亦有一些人對愛滋病人存有歧視及偏見。
千嬅又透露小時候曾對性產生好奇，奈何她父親卻不准她提問有關的問題，她說：「細個睇電視見到男女主角kiss，阿爸會用手遮住我對眼，自己係偷睇書先知性呢方面嘅嘢，到咗發育時期，又會對身體構造有好奇心，後嚟大個做咗護士，當然見過晒男人嘅身體各部份。」
千嬅每年均會做婦科檢查，她說：「我每年都會定期做婦科檢查。亞洲女性患子宮癌比率比歐美國家女性高，所以婦科檢查好重要，我係睇女醫生，呢方面都唔會尷尬。」
採訪：魯萍
攝影：陳烱威
