鄉議局噚日選正、副主席，名義上話選，但係經過村選一役，發叔劉皇發展示實力擺平一切之後，重有邊個夠膽挑戰，結果搞咗一輪，咪又係發叔自動當選連任，由1980做到2007，兩個副主席林偉強同彭鏗然當然都係自動當選啦。
不過發叔都未坐暖新一屆主席位，就俾人趨佢走。話說彭鏗然噚日喺當選後嘅記者會上，忽然話「相信劉主席都係做埋呢屆」，佢呢句語出驚人，連發叔當堂都忍唔住笑。林偉強馬上搶白，話大家都好熱切期待發叔領導，又話如果發叔唔做佢都唔做，相信發叔有能力做多好多屆咁話，兜得咁快，果然係醒目仔。
新界鄉議局都係需要發叔呢亭理性人物，鬼叫有個食力簡，擔碌雪茄久唔久就上吓身，搞到啲新界人重有一身泥土味咩。
（圖）發叔做鄉主席，由1980做到2007都未玩夠。
傳真︰2623-9278
電郵︰