古巨基、Cookies、梁漢文和何韻詩，前晚在大學會堂演出最後一場《森美小儀大衛營》舞台劇，周麗淇及谷德昭都有捧場。
基仔與Cookies成員Kary謝幕時忍不住抱頭大哭，返入後台時，基仔還緊緊攬着森美不放，難掩不捨之情，基仔在劇中豔福不淺，分別與Stephy及Kary擁抱。基仔說：「我真係好投入，都知自己眼淺，喊到雙眼得番一條線㖭呀！」
梁漢文演出一幕逃跑戲時，不慎跌倒，現場有觀眾忍不住大笑，梁漢文說：「我呢啲足球人唔怕跌，膝頭冇瘀，個人瘀啲。」
採訪：王連連 攝影：陳偉權
