走新一代CitySUV路線、並曾獲多個世界性獎項嘅富豪XC90，自在港推出以來一直備受追捧，響短時間內嘅累積銷量已接近90部，表現可謂十分出色。
而香港富豪汽車（VolvoCarsHongKong）為慶祝本港著名車手關兆昌（CharlesKwan）榮膺亞洲巡迴賽全年總冠軍，故特別送出全新XC90予Charles；日前，有關方面更舉行咗一個簡單而隆重嘅頒贈儀式，當日Charles更親自出席，接受呢部XC90㖭！響記者會上，香港富豪汽車總經理譚想博士，對Charles能榮膺亞洲冠軍車手，深感高興之餘，更稱以佢響車壇上嘅超凡地位，匹配同樣獲得多個獎項、兼備受追捧嘅全新XC90，可謂相得益彰。而Charles亦表示自己一向係富豪汽車嘅擁躉，對能擁有全新XC90感到高興外，同時又大讚新車各方面都有出色嘅表現，並相信新車定必廣受車迷歡迎呢！